Əhməd Əhmədzadənin dəyəri milyonlarla ölçülən mülklərinin SİYAHISI

03 aprel, 2021 10:08

Aprelin 2-də Prezident İlham Əliyevin sərəncamı ilə "Meliorasiya və Su Təsərrüfatı" Açıq Səhmdar Cəmiyyətinin (ASC) sədri Əhməd Əhmədzadə vəzifəsindən azad edilib.

Azsiyasət.com xəbər verir ki, 76 yaşlı məmur uzun illərdir ölkənin su təsərrüfatına rəhbərlik edirdi. Belə ki, 1993-2004-cü illərdə Nazirlər Kabineti yanında Meliorasiya və Su Təsərrüfatı Komitəsinin sədri, 2004-2006-cı illərdə Kənd Təsərrüfatı nazirinin birinci müavini, Nazirliyin yanında Meliorasiya və Su Təsərrüfatı Agentliyinin baş direktoru, 2006-2021-ci illərdə isə Azərbaycan Meliorasiya və Su Təsərrüfatı ASC-nin sədri olub.

Ə.Əhmədzadənin rəhbərlik etdiyi dövrdə ASC-nin fəaliyyəti mediada daim sərt tənqid mənbəyi olub. Dövlət vəsaitlərinin müxtəlif yollarla mənimsənilməsi, su təsərrüfatının düzgün qurulmaması, artezianların iri məbləğlər qarşılığında satılması, su hövzələrinin oliqarxların sərəncamına verilməsi və s. ittihamlar bu qəbildəndir. Qeyd edək ki, dövlət başçısı İlham Əliyev kənd təsərrüfatının su təchizatını prioritet məsələlərdən biri kimi qoyub və su mənbələrinin yaradılması, yeni artezianların qazılması üçün yüzmilyonlarla dövlət investisiyasını bu sahəyə yönəldib.

Lakin ASC bir artezianın qazılıb istifadəyə verilməsini 70 min manata sənədləşdirib. Amma bu vəsait faktiki olaraq mənimsənilir, artezianlar isə ayrı-ayrı şəxslərə 30-50 min manata satılıb. Bundan başqa hər il kanalların, kollektorların təmizlənməsi, yenilənməsi adı ilə külli miqdarda dövlət vəsaitləri havaya sovrulub. ASC-nin özünün və yerli şöbələrinin keçirdiyi tenderlərdə bir qayda olaraq "dost-qardaş" şirkətlər qalib elan olunub.

Məsələn, ASC-nin tabeliyində fəaliyyət göstərən Xızı Suvarma Sistemləri İdarəsi ötən ay toplam dəyəri 299 312.77 AZN olan iki satınalma müqaviləsi imzalayıb. Müqavilələrdən biri "Körpü-Bina Construction” MMC, digəri isə fərdi sahibkar Fərzəliyev Sabir Təvəl oğlu ilə bağlanıb. "Körpü-Bina Construction” MMC ilə imzalanan və maliyyə dəyəri 249707.93 AZN təşkil edən müavilədə cari təmir işləri üçün mal-materialın, Sabir Fərzəliyevlə bağlanan 49604.84 AZN-lik müqavilədə isə nəqliyyat vasitələri üçün ehtiyat hissələrinin satınalınması nəzərdə tutulur. İqtisadiyyat Nazirliyi yanında Dövlət Vergi Xidmətinin reyestr məlumatlarına görə, “Körpü-Bina Construction” MMC 23 sentyabr 2019-cu ildə qeydiyyata alınıb. Nizamnamə kapitalı 2 AZN olan şirkətin hüquqi ünvanı Beyləqan rayonu Eyvazallar kəndində yerləşir. Şirkətin qanuni təmsilçisi Nəsirli Tural Vasif oğludur. Açıq mənbələrdə nə şirkət, nə də onun qanuni təmsilçisi barədə məlumat var.

Meliorasiya və Su Təsərrüfatı ASC-nin, onun tabeliyində olan qurumların keçirdiyi satınalma müsabiqələrində adətən bu tip şirkətlər qalib gəlib. Əhmədzadənin yaxın qohumları Qax və Zaqatala rayonlarında əsas dövlət vəziflərini tutur. Qardaşı oğlanları Coşqun Əhmədzadə Bakı Baş Gömrük İdarəsi rəisinin birinci müavini, Rəşad Əhmədzadə isə polis orqanlarında bölmə rəisi, xalası oğlu Musa Şəkiliyev Qax Rayon İcra Hakimiyyətinin başçısı, qardaşı oğlu Vüqar Əhmədzadə – DSMF Qax rayon şöbəsinin müdiri, qardaşı oğlu Tərlan Əhmədzadə isə Qax Mərkəzi Xəstəxanasının baş həkimidir. Əhmədzadənin 74 yaşlı qardaşı Mübariz Əhmədzadə isə 12 ildir Zaqatala rayonuna başçılıq edir. Bölgənin ən böyük turizm, biznes qurumları, fermer təsərrüfatları da onlara məxsusdur.

Ə.Əhmədzadə Mərkəzi Bankın sədri Elman Rüstəmovla qudadır. Baş bankirin qızı Günel Rüstəmova Ə.Əhmədzadənin oğlu Cuma Əhmədzadə ilə ailə qurub. Mətbuatda yayılmış məlumatlara görə, Əhmədzadələr və Rüstəmovlar ailəsinin ölkədə və xaricdə milyardlıq sərvətləri var. Məsələn, jurnalistlər üzə çıxarmışdılar ki, C.Əhmədzadənin "Lipno Investment s.r.o.” şirkətinin sənədləri 2019-cu il iyun ayının 4-də Çexiyanın Maliyyə Nazirliyinə təqdim olunub. Şirkətin aktivləri 2 milyon 89 min dollar, bundan başqa şirkətin qeyri-maddi mal varlığı 1 milyon 860 min dollar təşkil edir.

Ə.Əhmədzadəyə məxsus olan, bir neçə müddət əvvəl Facebookda "Çayxana TV səhifəsinin yayımladığı müəlklərin, yerli və xarici şirkətlərin bir qisminin siyahısını təqdim ediirk:

Villalar və mənzillər

Qax rayonu, İlisu kəndində dəbdəbəli villa;

Zaqatalada 1 hektarlıq sahədə, 5 milyon manatlıq villa;

Londonda "69-70 Princes GateKnightsbridge, SW7 2PA” ünvanında 6-cı, 7-ci və 8-ci mərtəbələrdən ibarət malikanə;

Kiprdə dəbdəbəli malikanə;

Bakıda, Yasamal, Zahid Xəlilov küç. ev 68, mənzil 88;

Bakı, Binəqədi rayonu, S,S, Axundov küç, ev 1/2 ünvanda mənzil;

Qax, M.F.Axundov küç, ev 15 ünvanında mənzil;

Zaqatala, Car küç. ev 3A ünvanda mənzil.

Hotellər və restoranlar

Qaxda "El Resort” otel kompleksi;

Qax, İlisu kəndində "Yurd Hotel” istirahət kompleksi;

İlisu kəndində "Yaşıl Park” otel kompleksi;

"Səngər Qala” otel kompleksi;

"Ulu Dag” oteli;

Qax rayonu, “Eden Park Hotel”;

Qax, Qaxbaş kəndində 54700 kv metrlik (5.5 hektar) ərazisi olan "Residence” ailəvi istirahət mərkəzi;

Bakı, Koroğlu Rəhimov küçəsindəki "Növbahar” restoranı;

Bakıda "Zakura Yapon mətbəxi” restoranı:

YERLİ ŞİRKƏTLƏRİ və OBYEKTLƏRİ:

Qax Fındıq Zavodu;

Qax rayon taxıl məhsulları kombinatı;

Qax Rayon Avtovağzalı;

"ULUYURD” şirkətlər qrupu;

"Advisors CO.” şirkəti;

"Proyekt”, MMC şirkət;i

"Çağdaş" MMC şirkəti;

"Elit-R1" MMC şirkəti;

"Muğal” Məhdud Məsuliyyətli Cəmiyyəti;

"Corasuni” Məhdud Məsuliyyətli Cəmiyyəti;

"İlisu Uludağ Turizm və İstirahət Kompleksi”;

Xaricdə olan şirkətləri

Çexiyada "ALPS s.r.o.” şirkəti;

İngiltərədə "GYUNEL LİMİTED” şirkəti;

İngiltərədə "GLOBALLY LTD” adlı daha bir şirkəti;

Türkiyədə "Etiler Dış Ticaret Limited” şirkəti;

Kipr və Cenevrədə də də şirkətləri və biznesləri mövcuddur. 

17 yanvar

11:38 - Minsk Qrupu yaya qədər buraxıla bilər11:36 - Ağdamda 4 nömrəli yaşayış massivinin tikintisinə 161 milyon xərclənəcək11:35 - Azərbaycanda "Nürnberq prosesi" başlayır

16 yanvar

15:34 - ABŞ-Ermənistan arasındakı sazişi Azərbaycanın uğursuzluğu kimi təqdim edənlərə...15:32 - Cənubi Qafqazda xaos ssenariləri planlaşdırılır...15:30 - Sənubər Nəzərova Departament rəhbəri təyin edildi14:31 - Gürcüstanın baş naziri Azərbaycana niyə gəlir?14:29 - Əliyev-Paşinyan görüşü keçirilə bilər14:26 - Nazirlik 10 manat kapitalı olan şirkətlə 77 milyonluq müqavilə imzaladı - Tendersiz

15 yanvar

11:40 - ABŞ-Ermənistan strateji sazişi - TAM MƏTN11:38 - ATƏT-ə sədrik edən ölkədən Minsk Qrupu açıqlaması 11:37 - Cənubi Koreya Prezidenti həbs olundu

14 yanvar

13:17 - "Nur" klinikası təcrübəli həkimlərlə fəaliyyətini davam etdirir11:06 - ABŞ-də Qrenlandiya ilə bağlı qanun layihəsi hazırlanıb11:03 - Laricani Rusiyaya niyə səfər edib? - "Tayms"11:00 - ERmənistanla ABŞ strateji tərəfdaşlıq sənədi imzalayır

13 yanvar

15:30 - "Azər-Türk Bank"ın rəhbərliyi nə qədər qazanır? - Məbləğ15:14 - İranın Cənubi Qafqaza baxışı necədir?15:11 - Bakıda piyadanı öldürən məmur kimdir?15:08 - Konstitusiya Məhkəməsində də ancaq Rusiya mətbuatı oxunur? - SİYAHI15:06 - Bəxtiyar Hacıyevə - 10 il həbs

11 yanvar

13:11 - İrəvan Minsk qrupuna görə ATƏT-ə müraciət edəcək13:01 - Muxtar Babayevin məqsədi nədir? - Verilən və verilməyən suallar...11:52 - 4 milyona görə həbs edilən birjaçı tanış çıxdı - Alışanovun qardaşı oğlu, Elarizin kürəkəni…11:47 - PKK təslim olur? - Öcalanın müraciəti gözlənilir11:43 - ABŞ-dən Rusiyaya yeni sanksiya - Vahid Ələkbərovun oğlu da var

10 yanvar

15:26 - Los-Ancelesdəki Baş Konsulluğumuzun binası evakuasiya edildi15:22 - ABŞ-dən Ermənistana İranla bağlı tələb15:16 - Avropa sərhədimizdəki müşahidəçiləri geri çəkmək istəmir

08 yanvar

12:42 - Rusiyada növbəti "Kovyor" - Bakı-Kazan reysi ləğv edildi"