Rusiya Dövlət Dumasının spikeri: "İlham Əliyevlə Vladimir Putin arasında həmişə yaxşı münasibətlər olub"

“Ölkəmiz çox balanslı bir siyasət yürüdür və bu siyasət bu gün bizimlə münasibət quran bütün tərəfdaşlara hörmətə əsaslanır. Dostluq və dialoq prinsipləri bizim üçün vacibdir”.

Azsiyasət.com virtualaz.org-a istinadla xəbər verir ki, bunu "Vestnik Kavkaza"nın müxbiri ilə söhbətində Dövlət Dumasının sədri Vyaçeslav Volodin müharibədən sonra Dağlıq Qarabağda və onun ətrafında baş verən proseslərlə bağlı Rusiyanın siyasəti haqda suala cavabında deyib.

Dövlət Dumasının sədri Rusiya və Azərbaycan liderləri arasında dostluq münasibətlərini qeyd edib. 

“İlham Əliyevlə təmaslara gəldikdə isə, onunla Vladimir Vladimiroviç Putin arasında həmişə yaxşı münasibətlər olub”, - deyə spiker vurğulayıb.

V.Volodin fikrini belə yekunlaşdırıb: 

“Ümumiyyətlə, fərqli vəziyyətlər olur - amma əsas odur ki, sülhdən daha vacib bir şey olmadığını və onu qorumaq üçün hər şeyi etmək lazım olduğunu düşünək”.