"Şimal ərazilərinin xatirinə Krımı Rusiya kimi tanımaq lazımdır" - Yaponiyanın sabiq baş naziri
Yaponiyanın sabiq Baş naziri Yukio Xatoyama bəyan edib ki, ölkə hökuməti Krımı Rusiya ərazisi kimi tanımalıdır ki, şimal əraziləri problemini (Yaponiyada Rusiyaya məxsus Cənubi-Kuril adalarını belə adlandırırlar) öz xeyrinə həll edə bilsin.
«Yahoo News Japan» xəbər portalının xəbər verdiyi kimi, Xatoyama belə fikir səsləndirib ki, Yaponiya şimal əraziləri probleminin həlli xatirinə, Krımı Rusiya ərazisi kimi tanımalıdır.
«Əgər ərazi probleminin həllini qısaca xarakterizə etsək, o zaman Yaponiya üçün çox vacibdir ki, Krım probleminin tarixinə hörmətlə və Rusiyaya yönəlik münasibətə anlaqla yanaşılsın» - siyasətçi bildirib.
Nəşr göstərir ki, bu ərəfədə, aprelin 20-də Rusiyanın yüksək məqamlı məmurlarının iştirak etdiyi konfransın gedişində sabiq Yaponiya Baş naziri qeyd edib ki, Yaponiya Krımın Rusiyaya birləşdirilməsindən sonra (2014) bu ölkəyə tətbiq edilmiş sanksiyaları ləğv etməlidir.
«Rusiya narahatdır ki, əgər Cənubi Kuril Yaponiyaya verilsə, Amerika ordusu orada hərbi baza yerləşdirəcək» - o, qeyd edib.
Eks-Baş nazir Rusiya ilə qarşılıqlı əməkdaşlıq və təhlükəsizlik zəmanəti barədə müqaviləyə yenidən baxmağa çağırıb.
Azpolitika.info
