Bayden administrasiyası ABŞ-ın Azərbaycana yardımlarının qarşısını alan iki mühüm məhdudiyyəti aradan qaldırıb

ABŞ Dövlət Departamentinin yüksək vəzifəli nümayəndəsi Konqresi Bayden administrasiyasının ABŞ-ın Azərbaycana birbaşa yardımına icazə vermək üçün Azadlığa Dəstək Aktına 907-ci düzəlişə tətbiq edilən qadağanı uzatdığı barədə məlumatlandırıb.

Azsiyasət.com xəbər verir ki, aprelin 29-da qəbul edilmiş qərar haqqında Turan-ın müxbirinə Dövlət Departamentinin Qanunvericilik məsələləri Bürosunun rəsmi nümayəndəsi məlumat verib.

Bu addım dövlət katibi Entoni Blinkenin Azərbaycan prezidenti İlham Əliyevlə söhbətindən bir gün sonra atılıb.

907-ci düzəlişdən imtina dövlət katibi Blinkenin son iki ayda Azərbaycanla əməkdaşlığa qoyulmuş məhdudiyyətləri aradan qaldıran ikinci mühüm qərarıdır.

Məlumatlı mənbədən Turan-a verilən məlumata görə, martda Blinken ABŞ-ın "2021-ci il üçün xarici əməliyyatlar və proqramlar haqqında qanun" çərçivəsində ABŞ-ın Azərbaycan, Gürcüstan, Ermənistan, Moldova, Belarus, Qazaxıstan, Qırğızıstan, Tacikistan, Türkmənistan, Ukrayna və Özbəkistan üçün maliyyə vəsaiti ayırmasına imkan verən sənəd imzalayıb.

"Bu qərar çərçivəsində vəsait Birləşmiş Ştatların milli təhlükəsizlik maraqları naminə verilir", deyə Blinken öz qərarına aydınlıq gətirib.