Ukrayna üçün NATO-nun qapıları açılır - ABŞ dəstək verdi
07 may, 2021 00:32
Co Bayden administrasiyası hesab edir ki, NATO-nun qapıları yeni üzv dövlətlər üçün açıq olmalıdır.
Azsiyasət.com “RİA Novosti”-yə istinadla xəbər verir ki, bunu Ağ Ev nümayəndəsi Karin Jan-Pyer Ukraynanın hərbi alyansa qoşulması barədə sualı cavablandırarkən bildirib.
O qeyd edib ki, yeni dövlətlərin ittifaqa qəbulu yalnız onların tələb edilən şərtləri yerinə yetirməsindən sonra mümkün ola bilər. Belə ki, məhz bu halda həmin dövlətlər avroatlantik alyansın daha da güclənməsinə töhfə verə bilər.
Bununla ayanaşı, K.Jan-Pyer ABŞ-ın Ukraynanın NATO-ya üzv olması səylərini dəstəklədiyini də bəyan edib.
