Prezidentlə ailəsi Şuşaya gedir - VİDEO
Azərbaycan Prezidenti İlham Əliyev, Birinci xanım Mehriban Əliyeva və qızları Arzu Əliyeva Şuşaya səfərə gedir.
Azsiyasət.com xəbər verir ki, bu barədə Mehriban Əliyeva rəsmi instaqram hesabında paylaşım edib:
“Böyük qürurla sizə bildirirəm ki, bu gün əlamətdar gündür. Azərbaycanın mədəniyyət paytaxtı elan olunmuş bizim qədim doğma Şuşa şəhərimizdə “Xarıbülbül” musiqi festivalı dirçəlir. Neçə illik həsrətdən sonra əfsanəvi Cıdır düzündə yenidən Azərbaycan muğamı səslənəcək. Böyük məmnuniyyətlə Qarabağa səfərimizin görüntülərini sizinlə paylaşıram”.
Dövlət başçısı sözügedən görüntülərdə bildirib ki, onlar yolüstü Xocavənddə çay içiblər:
“Biz Şuşaya gedirik. Şuşada Xarıbülbül musiqi festivalı keçiriləcək. Bu il may ayında Xarıbülbül musiqi festivalı uzun fasilədən sonra keçiriləcək. Yolüstü Azərbaycanın dilbər guşələrindən biri olan Xocavənd rayonuna gəldik. Burada təbiətin qoynunda, armudu stəkanda çay içirik. Necə ki, Cıdır düzündə çay içmişik, indi isə Xocavənddə çay içirik. Bu qədim Azərbaycan torpağında Azərbaycan xalqı bundan sonra əbədi yaşayacaq. Eşq olsun Azərbaycan xalqına!”.
