"Britaniya Qarabağda çoxtərəfli sülhməramlıların olmasını istəyir" - Səfir Ceyms Şarp
“44 günlük müharibə zamanı mən də burdaydım. Azərbaycanın qələbəsi ilə bağlı fövqəladə hislər yaşadım. Mən bir çox azərbaycanlılarla söhbətləşmişəm, bu hislər tamamilə başadüşüləndir”.
Azsiyasət.com azpolitika.info-ya istinadla xəbər verir ki, bunu Böyük Britaniyanın Azərbaycandakı fövqəladə və səlahiyyətli səfiri Ceyms Şarp “BBC Azərbaycanca”-ya müsahibəsində bildirib.
Diplomat qeyd edib ki, Britaniya sülh danışıqlarına ATƏT-in Minsk Qrupu formatı çərçivəsində Azərbaycanda çoxtərəfli sülhməramlıların cəlb olunmasına üstünlük verilməsinə tərəfdardır: “Biz başa düşürük ki, müharibənin ortasında hər şey çox sürətlə baş verdi, çətin seçimlər edilməliydi. Zənnimcə Azərbaycan üçün əsass sual ondan ibarətdir ki, bu vəziyyətdən, bu zəfərdən necə istifadə etsin və onu gələcək inkişaf üçün tramplinə necə çevirsin. Aydındır ki, Azərbaycanın azad etdiyi ərazilərin inkişafı və məcburi köçkünlərin öz evlərinə geri qayıtması prioritetdir”.
Səfir daha sonra bildirib ki, hazırda üçtərəfli forrmatda əməkdaşlığın genişləndirilməsi ilə bağlı müzakirələr gedir: “Nəqliyyat və iqtisadi əlaqələri necə açmalı, regional əməkdaşlıq necə təşkil edilməlidir? Bu müzakirələrin çox müsbət hal olduğunu düşünürəm. Həmçinin düşünürəm ki, daha böyük sual qələbədən milli inkişafın təşviqində necə istifadə etməkdir. Aydındır ki, ölkə miqyasında hamının, əhalinin bütün sektorlarının azad edilmiş ərazilərin bərpa olunmasında iştirak etməyə həvəsi var. Hökumətin bütün əhalini, cəmiyyətin bütün sektorlarının, QHT, media və müxalifətin milli bərpa proqramında iştirakına icazə verməsi və bunu bir imkan kimi görməyi təşviq etməsi zəruridir. Zənnimcə, bunlar qarşıda duran əsas məsələlərdir. Beləliklə üzərində işlənəsi xeyli məsələlər var”.
C.Şarp daha sonra vurğulayıb ki, Rusiyanın bölgədə sülhməramlı əməliyyatlarının mandatına, mandatın yekunlaşmasına baxılmalıdır: “Bundan sonrakı illərdə necə olacağı barədə alternativlər haqqında düşünülməlidir. Ermənistan tərəfi ilə də bir çox məsələlər həll olunmalıdır”.
