Rusiya müdaxilə etmək üçün Azərbaycanın və Ermənistanın müraciətlərini gözləyir
18 may, 2021 00:10
Rusiya sərhəddəki gərginliyin aradan qaldırılmasında Azərbaycan və Ermənistana, hər iki dövlətdən belə bir müraciət gəlsə, kömək edəcək.
Azsiyasət.com TASS-a istinadən bildirir ki, bunu jurnalistlərə Rusiya Federasiyası xarici işlər nazirinin müavini Andrey Rudenko deyib.
"Bu normal haldır ki, tərəflər belə bir şəraitdə bizə kömək, yardım, vasitəçilik üçün müraciət edirlər, özü də 9 noyabr və 11 yanvar tarixli bəyanatların hazırlanması kontekstində təcrübə mövcuddur. Buna görə də, belə bir müraciət yalnız tərəflərdən birindən deyil, bütün iştirakçılardan gəlsə, mən Azərbaycanı və Ermənistanı nəzərdə tuturam, o zaman əlimizdən gələn köməyi göstərməyə hazır olacağıq", - deyə A.Rudenko agentliyin sualana cavab verərkən vurğulayıb.
