"Rusiya ilə qarşıdurma istəmirik" - Putin və Bayden görüşür
19 may, 2021 00:35
ABŞ Rusiya ilə daha sabit və proqnozlaşdırılan münasibətlər qurmaq istəyir.
Azsiyasət.com xəbər verir ki, bunu ABŞ Dövlət katibi Entoni Blinken deyib.
Rusiya Xarici işlər naziri Sergey Lavrov və Blinken bu həftə Arktik Şurasının iclası çərçivəsində Reykyavikdə görüşməyə razı olub. Danışıqlar zamanı, Rusiya və ABŞ prezidentləri - Vladimir Putin və Co Bayden arasında görüşün təşkili də daxil olmaqla, ikitərəfli münasibətlər və beynəlxalq gündəmin əsas məsələlərini müzakirə etmək planlaşdırılır.
Mayın 17-də Dövlət Departamenti Vaşinqtonun eskalasiya istəmədiyini və Moskva ilə sabit və proqnozlaşdırılan münasibətlər əldə etmək niyyətində olduğunu da bildirib.
