Lavrovun müavini: "Sərhəd məsələsində Bakı və İrəvana kömək edə bilərik"
“Rusiya dövlət sərhədinin delimitasiyası və demarkasiyası məsələsində geniş təcrübə toplayıb və bu məsələdə Azərbaycanla Ermənistana məsləhətçi yardım göstərməyə hazırdır”.
Azsiyasət.com TASS-a istinadla xəbər verir ki, bunu Rusiya Federasiyası xarici işlər nazirinin müavini Andrey Rudenko bildirib.
Nazir müavinin sözlərinə görə, Rusiya Bakı və İrəvanın müvafiq tələbi halında buna hazırdır. “Qazaxıstanla, digər ölkələrlə, o cümlədən Çinlə perimetrimiz boyunca sərhədlərin delimitasiyası ilə bağlı çoxlu iş aparmışıq. Bu cür işlərdə təcrübə toplamışıq. Buna görə də, iştirak etməyə hazırıq, lakin bütün tərəflərin müvafiq müraciəti və razılığı olarsa...”
Andrey Rudenko qeyd edib ki, delimitasiya və demarkasiya məsələsini həll etmək üçün aparılan işlərin nəticəsi dövlət sərhədi ilə bağlı razılaşma olmalıdır.
Bundan əvvəl Rusiya xarici işlər naziri Sergey Lavrov Rusiyanın Kollektiv Təhlükəsizlik Müqaviləsi Təşkilatı çərçivəsində sərhəddəki vəziyyətin həllində Bakı və İrəvana kömək təklif etdiyini, Ermənistan-Azərbaycan komissiyası yaratmaq təşəbbüsü ilə çıxış edib.
