"Dünya düzəni yenidən qurulur" - Fransa SQ Baş Qərargah rəisi
Fransa özünün Amerika Birləşmiş Ştatları (ABŞ) və Çin arasındakı cəbhələşməyə cəlb olunmasına imkan verməməlidir, respublika balanslaşdırılmış mövqe tutmalıdır.
Bu fikri Fransa Silahlı Qüvvələri Baş Qərargah rəisi, general Fransua Lekuantr «Le Fiqaro» qəzetinə müsahibəsində səsləndirib. Müsahibə mayın 22-də dərc olunub.
«Biz, dünya düzəninin yenidən təşkilinə doğru gedirik, o, ABŞ və Çin arasında rəqabət ətrafında qurulacaq. Bu yeni təşkildə bütün ölkələr özlərinə tərəf seçməyə məcbur olacaqlar. Buna baxmayaraq, biz, Birləşmiş Ştatlarla münasibətimizi şübhə altına salmamalıyıq, biz, ABŞ və Çin arasında yaranacaq mənasız cəbhələşməyə qoşulmamalıyıq» - o, bəyan edib.
Lekuantrın fikrincə, Fransa və Avropanın digər ölkələri «strateji həmkara söykənməklə, balanslaşdırılmış mövqe tutmalıdırlar».
General hesab edir ki, hazırda Rusiya və Çin Fransa üçün sualtı və kosmik sferalarda təhlükəli rəqiblərdir.
«Biz, razılığa gəlməyin üsullarını tapmalıyıq. Ancaq bu gün biz, belə tənzimləmədən imtina mərhələsindəyik. Bu qarşıdurma təhlükəlidir» - general qeyd edib.
O, hesab edir ki, Moskva rəqəmsal texnologiyalar sahəsində fəaliyyət göstərməklə, Fransa demokratik modelini zəiflətməyə cəhd edir və bu təhdid həm milli sahəyə, həm də Fransada öz maraqları olan regionlara aiddir.
«Bu gün Rusiyanın, Türkiyənin və ya Çinin Afrikada iştirakı həyəcan doğurur» - Lekuantr hesab edir.
O, həm də belə bir fikir ifadə edib ki, münaqişələrin riski 2030-cu ilə artacaq.
