İlham Əliyev və Cavad Zərif nədən danışıblar?

Bu gün Azərbaycan Prezidenti İlham Əliyev İran xarici işlər naziri Məhəmməd Cavad Zərifi qəbul edib.

Azsiyasət.com “Fars News”a istinadla xəbər verir ki, görüşdə ikitərəfli münasibətlərdəki son inkişaflar, birgə iqtisadi layihələr, Azərbaycan ilə Ermənistan arasındakı son sərhəd gərginliyi və Bakıda Altı Tərəfli Əməkdaşlıq Təşəbbüsünün həyata keçirilməsi müzakirə edilib.

Tərəflər son illərdə iki ölkə arasındakı əlaqələrin genişlənmə tendensiyasından və uyğun səviyyəsindən məmnun olduqlarını ifadə edərək, əlaqələrin inkişafı və dərinləşməsinin vacibliyini vurğulayıblar.

İranın azad edilmiş Dağlıq Qarabağ və ətraf ərazilərin minalardan təmizlənməsi və yenidən qurulmasında iştirakı, Ermənistan və Azərbaycan arasında atəşkəs bəyannaməsinin icrasındakı son vəziyyət, bölgədə tranzit-nəqliyyat dəhlizlərinin açılışı, dəmir yolu əlaqəsi, habelə “3+3” formatında regional əməkdaşlıq təşəbbüsünün və qarşılıqlı maraq doğuran digər məsələlərin həyata keçirilməsi də müzakirə və məsləhətləşmə mövzuları olub.

Xatırladaq ki, İran XİN-in rəhbəri Azərbaycandan sonra Ermənistan rəsmiləri ilə görüşmək üçün İrəvana səfər edəcək.