"Kabil taliblərin öhdəsindən NATO-suz da gələcək" - Stoltenberq
Əfqanıstan hökuməti və təhlükəsizlik qüvvələri kifayət qədər güclüdür və xarici ordu olmadan da taliblərə qarşı dura bilər.
Bu barədə «Associated Press» (AP) aentliyinə müsahibəsində NATO-nun Baş katibi Yens Stoltenberq bəyan edib.
«Mən fikirləşirəm, əfqanlar onu da anlayırlar ki, 20 il ərzində biz, Əfqanıstana nəhəng həcmdə vəsait qoymuşuq. Əfqanıstan həm güclü və döyüş qabiliyyətli təhlükəsizlik qüvvələrinin yaradılması planında, həm də sosial və iqtisadi tərəqqi planında uzun bir yol keçib. Müəyyən mərhələdə əfqanlar öz ölkələrində sülh və sabitlik üzrə tam məsuliyyəti öz üzərlərinə götürməlidirlər» - Stoltenberq bildirib.
Baş katib vəd edib ki, NATO Əfqanıstanı mülki ekspertlər üzərindən dəstəkləyəcək. Onlar hökumət nazirliklərinə, maliyyə təhlükəsizliyi qüvvələrinə məsləhətlər verəcəklər və Kabillə «Taliban» arasında sülh danışıqlarını dəstəkləyəcəklər. Bundan başqa, NATO əfqan təhlükəsizlik qüvvələrinin ölkə sərhədlərindən xaricdə hazırlanması imkanlarını da öyrənəcək, amma yekun qərar hələlik qəbul olunmayıb.
«AP» bildirir ki, ABŞ hərbi rəhbərliyi hələlik bir qərara gəlməyib - Co Baydenin ordunu Əfqanıstandan sentyabra qədər çıxarmaq barədə qərarını necə yaxşı yerinə yetimək olar və eyni zamanda əfqan qüvvələrinə taliblərin qarşısını almaqda necə kömək etmək olar? İyunun 14-də Bayden və Stoltenberq Brüsseldə NATO-nun digər liderləri ilə görüşəcəklər ki, «Donald Trampın 4 illik qaynar idarəçilik dövründən sonra transatlantik əlaqələrdə yeni eranı başlada bilsinlər». Bu görüşdə Əfqanıstana çox vaxt sərf olunacaq, baxmayaraq ki, əfqan liderlər hətta bu görüşə dəvət edilməyiblər. Əfqanıstandan getməyin nəticələri barədə suala cavab verərkən, Stoltenberq etiraf edib ki, risklər mövcuddur.
«Eyni zamanda burada qalmaq o deməkdir ki, biz də bəzi risklərə gedə bilərik; yeni döyüş riskləri, ordunun say tərkibinin artırılması riski və hərbi missiya ilə qalmaq riski» - Baş katib bildirib.
