"Paşinyan barədə AŞPA-ya məlumat vermişəm" - Erməni deputat

“Nikol Paşinyanın bəzi açıqlamaları nifrət təbliğatıdır”.

Azsiyasət.com “Armenian News”a istinadla xəbər verir ki, bunu Ermənistan parlamentinin deputatı Naira Zohrabyan bildirib.

Bu gün Seçki Nəzarəti Komitəsinin mətbuat konfransında deputat bəyan edib ki, baş nazirin “Bu dəstənin dişlərini qarnına tökəcəyəm” ifadəsindən sonra bu barədə Avropa Şurası Parlament Assambleyasının Ermənistan üzrə məruzəçilərinə məlumat verib. “Tolerantlıq mühitindən danışarkən, bu son dərəcə emosional vəziyyətdə hər hansı bir sözün partlayışa səbəb ola biləcəyini anlamalıdırlar. Baş nazir vəzifəsini icra edən Paşinyan seçki kampaniyası boyu davamlı meyli olan nifrət sözləri ilə başlayırsa, o zaman ona irad tutmalıyıq”, – deyə Zohrabyan qeyd edib.