Mariya Zaxarova ABŞ diplomatlarını alman nasistlərinə bənzədib - FOTO

Rusiya Xarici işlər nazirliyinin sözcüsü ABŞ-ın Ukraynadakı səfirliyinin əməkdaşlarını nasistlərə bənzədib.

Azsiyasət.com xəbər verir ki, bu barədə o, özünün Telegram-kanalında yazıb. Mariya Zaxarova hətta futbol üzrə İngiltərə millilərinin 1938-ci ildə Berlində əllərini qaldıraraq nasist salamı verdiklərini xatırladıb. O, həmin oyunda Adolf Hitlerlə bərabər, German Görinq, Yozef Göbbels və Rudolf Hess kimi faşist Almaniyasının öndə gələn isimlərinin də iştirak etdiyini yazıb.

Mariya Zaxarovanı qəzəbləndirən hadisə amerikan diplomatlarının üzərində “Yaşasın Ukrayna!” yazısı olan futbol geyimləri ilə poza verməsi olub.

XİN sözcüsünün həmin şüarı nasist salamına bənzətməsi qəribə olub.

“Yaşasın Ukrayna!” (Слава Украине!) Ukrayna və onun xaricində bu ölkəyə simpatiya bəsləyənlər arasında olduqca populyardır.