"Bütün dünya bilsin ki, Azərbaycanın yanındayıq" - Ərdoğan
“Qarabağ zəfərinin dünyaya, regiona gətirəcəyi faydalarını zaman keçdikcə hamı görəcək”.
Türkiyə Prezidenti Rəcəb Tayyib Ərdoğan Milli Məclisin xüsusi iclasında çıxış edərkən deyib:
“Çünki bu, qanın, işğalın, vandallığın səfəri deyil. Bu gün azərbaycanlı qardaşlarımız öz dədə-baba yurdlarına qayıtmağını istəyirik”.
O, azərbaycanlı məcburi köçkünlərə çağırış da edib: “İnşallah, növbəti səfərimdə qardaşlarımızı öz dədə-baba yurdlarında görəcəyik. Mən parlament kürsüsündən onlara səslənirəm ki, öz dədə-baba yurdlarında məskunlaşsınlar, biz bunu istəyirik. Region dövlətlərindən yalnız Gürcüstan Zəngəzur dəhlizi ilə bağlı özünəməxsus mövqeyə sahibdir. Ancaq Gürcüstan baş naziri Türkiyədə səfərdə olarkən mən ona dedim ki, Zəngəzur dəhlizi Gürcüstanın da xeyrinədir. O, bu barədə düşünəcəyini dedi”.
***
Zəngəzur dəhlizindən ermənilər də asan şəkildə Moskvaya və bütün dünyaya çıxa biləcəklər, onlar özləri də özlərini nə qədər əngəllədiyini görəcəklər.
Bunu Türkiyə Prezidenti Rəcəb Tayyib Ərdoğan Milli Məclisin xüsusi iclasında çıxışı zamanı deyib. Türkiyə Prezidenti vurğulayıb ki, regionda yeni altılıq əməkdaşlıq platforması imkanları yaranıb: "Gürcüstanın bəzi sualları var idi və mən Gürcüstanın baş nazirinin son səfəri zamanı ona bunun faydalarını izah etdim. Çünki bu bölgənin sülhə ehtiyacı var bunu etməliyik. Ermənistanın Azərbaycanla münasibətləri yaxşılaşdıqca biz də lazımi addımlar atacağıq. Türkiyənın Ermənistana faydaları saydıqca bitməz".
***
Ərdoğan bu dəqiqələrdə Milli Məclisdə çıxış edir. Çıxışı canlı yayımda təqdim edirik:
Türkiyə prezidenti, ötən gün Azərbaycana rəsmi səfərə gələn Rəcəb Tayyib Ərdoğan az əvvəl Milli Məclisə gəlib. Səfər proqramında nəzərdə tutulduğu kimi, Ərdoğanın Milli Məclisdə çıxışı gözlənilir. Çıxış az sonra başlayacaq.
