"Ermənistanın xarici siyasətində dilənçilik motivasiyası önəmli yer tutur" - Deputat

“Ermənistanın xarici siyasətində dilənçilik motivasiyası çox önəmli yer tutur”.

Azsiyasət.com xəbər verir ki, bu sözləri Milli Məclis deputatı Fazil Mustafa “TV Musavat”a müsahibəsində deyib.

"Lakin dilənçilik əsaslandırılmalıdır. Mən niyə dilənirəm? Bu günlərdə Erməni Milli Komitəsi ABŞ-ın Təmsilçilər Məclisinin 2022-ci ilin büdcəsini hazırlayan komissiyasından Dağlıq Qarabağ və Ermənistan üçün 250 milyon dollar yardım xahiş ediblər, eyni zamanda Azərbaycana verilə biləcək yardımların əngəllənməsini tələb ediblər. Bir QHT bunu edir və bildirir ki, Azərbaycan ermnilərin yaşadığı ərazini işğal edib. Çünki indi Ermənistan dövlətinin başqa çıxış yolu yoxdur. Özünün dilənçiliyini müəyyən dərəcədə əsaslandırmaq üçün bunu edir”,-deyə millət vəkili əlavə edib.

Fazil Mustafa diqqətə çatdırıb ki, Ermənistan hazırda pul almalıdır, çünki ölkə iqtisadiyyatı çöküb və bunu bərpa etmək üçün hansısa bir mənbə yoxdur:

“Azərbaycan təbii sərvətindən gələn gəlirlə boşluqlarını kompensasiya etmək imkanına sahibdir. Amma Ermənistanın belə imkanı yoxdur. Müharibədəki məğlubiyyətdən doğan problemlər Ermənistan cəmiyyətini dibə vurub. Belə bir vəziyyətdə onlara böyük vəsait lazımdır. Bunun üçün isə yazıq, dilənçi obrazında olmalısan. Ona görə də ermənilər bu ifadələri həm də yazıq vəziyyətdə olan, guya Azərbaycanın təzyiqi altında qalan Ermənistana pul qoparmaq üçün bir vasitə olaraq görürlər. Buna alışıq olmalıyıq, ancaq bu bizə yenə də əsas vermir ki, başımızın altına yastıq qoyaq. Çünki ermənilər çox ciddi işləyirlər, bu prosesin sabah müəyyən dərəcədə hansısa qərara köçürülməsi intensiv baş verə bilər”.