Abramyan Qarabağ ermənilərinə səsləndi - "Mənzillərinizi satın"

Son zamanlar Qarabağda azərbaycanlıların telefon zəngləri aktiv şəkildə müzakirə olunur. Bu zənglər sakinlərə öz mənzillərinin satılması ilə bağlıdır.

Azsiyasət.com xəbər verir ki, bunu Qarabağdakı qondarma erməni rejim rəhbərinin keşmiş müşaviri, "Şərəfim var" siyasi blokunun üzvü Tiqran Abramyan özünün facebook səhifəsində yazıb. 

"Bu məsələyə mənim həmkarım Nairi Oxikyan da toxundu. Narahatlığını ifadə etdi. Azərbaycanlıların əsas ideyası budur: istənilən halda Qarabağ təhfil veriləcək. Təklif edirik ki, mənzilləri satın", - deyən T.Abramyan Azərbaycan tərəfindən ermənilərə qarşı total psixoloji müharibənin başlandığını vurğulayıb. Bu yolla Qarabağ ermənilərdən təmizlənəcək. Hazırkı qorxu atmosferi isə prosesi sürətləndirəcək. Beləliklə nəzarət ələ keçiriləcək.