Paşinyan daha çox Moskvaya sərf edirmiş... - "National İnterest" dərgisi yazır...

Rusiya siyasi elitasında Paşinyana qarşı geniş yayılmış laqeyd və mənfi münasibətə baxmayaraq Kreml Ermənistandakı seçkilərinin miqyasına Robert Köçəryanın xeyrinə təsir göstərmək üçün heç bir ciddi addım atmadı.

Azsiyasət.com xəbər verir ki, “National İnterest” dərgisində Mark Yepiskopos belə yazır.

“Kreml tamamilə belə qənaətə gələ bilərdi ki, Köçəryanın qələbəsi mövcud problemləri həll etməkdənsə daha çox problemlər yaradardı. Köçəryanın Putinlə yaxın dostluq əlaqələrindən istifadə edib Dağlıq Qarabağdakı sülh prosesini Ermənistanın xeyrinə korrektə etmək  hərbi əməliyyatların dayandırılması barədə 2020-ci ilin  noyabrında imzalanmış  kövrək razılaşmaya yenidən baxılmasını istəməyən Moskva üçün ciddi problemdir”,- müəllif yazır.

Məqalədə deyilir ki, həmin razılaşmaya Putin və Əliyevlə birlikdə imza atan Paşinyanın başçılıq etdiyi, üçtərəfli razılaşmanı olduğu kimi dəstəkləməyə hazır olan hökumət Moskva üçün daha təhlükəsiz “stavkadır”.

Üstəlik Ermənistanın özündə, Rusiyada və Azərbaycanda Paşinyanı nə qədər NATO və Sorosun kuklası hesab etsələr də o, özünü Moskvanın üzüyola olmasa da, ən azından etibarlı partnyoru kimi təsdiqləyə bilib.

“Mən əvvəlki kimi bunu görürəm ki, Rusiya hakimiyyəti Ermənistanda Paşinyanın hakimiyyətdə qalmasına üstünlük verir”,- Yerevandakı Regional Araşdırmalar Mərkəzinin direktoru Riçard Giraqosyanın eurasianet.org-a bu açıqlamasını da müəllif öz məqaləsində sitat gətirir.

“Bir çox yönləri ilə Paşinyan Putin üçün əla qənimət oldu: Rusiyanın nəzarətində olan, qanuni, demokratik yolla seçilmiş lider. Belarus prezidenti Lukaşenkodan fərqli olaraq”,- analitik bildirib.