Alman jurnalistləri gizlicə Qarabağa keçmək istəyirlər - Onların məqsədi nədir?

30 iyun, 2021 11:47

Dünən axşam Azərbaycan tərəfinə Almaniyanın ictimai televiziyası ZDF-in çəkiliş qrupunun bütün gücü ilə  futbol üzrə Avropa çempionatının Bakıda keçiriləcək yarımfinalına can atdığı barədə fövqəladə olmasa da, hər halda qəribə görünən niyyətləri məlum olub. Bunlar jurnalist marağının hüdudlarını aşıb keçən  nə niyyətlərdir ki, Bakı istebleşmentinin marağını cəlb etdi?

Redaksiyamıza etibarlı hökumət mənbələrindən məlum olub ki, ZDF telekanalının əməkdaşları bəzi azərbaycanlı həmkarları ilə birlikdə İkinci Qarabağ müharibəsi zamanı azad olunmuş ərazilərə baş çəkmək planları qururlar. İlk baxışdan jurnalistin xoş məramı kimi görünür. Lakin alman jurnalistlərinin niyyətlərində qəribə olanı budur ki, onlar həmin ərazilərə rəsmi Bakıdan xəlvəti, kənar yollarla, jurnalist uğuruna arxayın olaraq keçmək istəyirlər.

Görəsən alman jurnalistləri nəyə görə Qarabağa rəsmi Bakıdan gizlin keçmək istəyirlər?

Hər şey yaxşı olardı, amma bu qeyri-ciddi avantüra Azərbaycan qanunlarına birbaşa ziddir. Əlbətdə ki, ilk növbədə jurnalistlərin özləri üçün təhlükəlidir, axı ştatlı stringerlər erməni qoşunlarının müdafiə istehkamlarından və minalanmış çöllərdən keçməlidir. Azərbaycan blok-postlarının qoyulduğu yeganə təhlükəsiz yollardan keçmək isə baş tutmayacaq. Çünki bunun üçün Azərbaycan hakimiyyətinin sanksiyası lazımdır. Hansı ki, bu icazəni almaq üçün almanlar nəyə görəsə müraciət etməyiblər. Tikanlı məftillərlə əhatələnmiş minalı çöllərə daxil olmaq rasional və qanunpərəst almanların ağlasığan məntiqi ilə heç cür uzlaşmır.

Bizə isə Bakıda bu sualları vermək qalır-nəyə görə almanlar azad edilmiş Qarabağa xəlvəti daxil olmaq istəyirlər? Oda-alov bürümüş bu torpaqlarda alman kameralarının obyektivini cəlb edən nədir? Əgər nüfuzlu ZDF kanalının jurnalistləri öz tamaşaçılarına erməni işğalçılarının vəhşiliklərini və barbarlıqlarını çatdırmaq istəyirlərsə , nəyə görə hər şeyə maraq göstərən bu jurnalistlər onlara yaraşmayan belə hərəkət etmək istəyirlər? Daha asan olmazdımı ki, Azərbaycan hakimiyyətinə müraciət etsinlər və prezidentin özünün saldığı yolla Qarabağın dərinliklərinə, lap Şuşaya, Xankəndinin ətraflarına qədər getsinlər? Görünür hansısa gözəgörünməz əl alman jurnalistlərini qalmaqallı məcaralara və “qışqıran” süjetlərə həvəsləndirir. Jurnalist uğurundan çox, böyük avantüradır.

Üstəlik alman jurnalistlərinin “Barbarossa” planının üzə çıxmasından saatlar əvvəl ZDF kanalına yaxın olan ARD alman telekanalı öz efirində Azərbaycan barədə qərəzli və açıq-aşkar ədəbsiz film nümayiş etdirdi. Görünür ARD estafeti ZDF-ə vermək istəyirdi, bu da Avopa Oyunları ərəfəsində alman siyasi texnoloqlarının olduqca pis filminin ssenarisini xatırladır. Bu kinonu biz bir dəfə görmüşük. Yenə də dəniz haqda! Qəfildən alman KİV-lərinin, o cümlədən aparıcı nəşrlərin səhifələrində oxucular üçün uzaq və maraqsız ölkə Azərbaycan barədə yüzlərlə tənqidi məqalələr dərc olundu. Kampaniya dalğavari gedirdi. Və elə qəfildən və hər hansı izahat verilmədən həmin tənqidlər alman qəzetlərinin səhifələrindən yoxa çıxdı. Alman obıvateli nə qədər baş sındırsa da heç cür anlamadı ki, nəyə görə jurnalistlər hansısa uzaq ölkənin, adı ya Azərbaycan idi, ya Birobican, siyasi həyatının dərinliklərinə baş vurmuşdular?..

Alman şirkəti Oxçuçayı məhv edir

Bir az da dərindən nəzər salsaq lap heyrətamiz məqamlar ortaya çıxar: budur, bir neçə həftədir Bakıda o cümlədən Almaniyadan olan beynəlxalq ekoloqların səs-küylü araşdırmasından sonra alman kapitalının iştirakçısı olduğu qalmaqallı əhvalat böyüməkdədir.  Məlum olub ki, Araz çayının qollarından biri olan Oxçuçaydakı ekosiddə Almaniyanın “Cronimet Holding” adlı iri şirkətinin əli var. Bu şirkət Zəngəzur mis-molibden kombinatının səhmdarıdır. Azərbaycan hökuməti Almaniya hökumətinə, Bundestaqa və “Yaşıllar” partiyasına müraciət edərək alman şirkətinin “Prussiyanın Afrika icması” müstəmləkə dövrünə xas olan, Azərbaycan, İran və erməni xalqlarının gələcəyini, sağlamlığını təhlükə altına qoyan soyğunçuluq əməllərinə dərhal reaksiya verməyi xahiş edib. (Yeri gəlmişkən, “Cronimet Holding”in rəhbəri etnik ermənidir)

Bu qalmaqal Azərbaycan ictimai rəyini hiddətləndirsə də nə Almaniyanın Bakıdakı səfirliyi, nə bu ölkənin Xarici İşlər Nazirliyi və Bundestaqı, nə “Yaşıllar” partiyası heç bir reaksiya vermir. Oxçuçayın çirkləndirilməsinə və azad edilmiş Zəngilan rayonunun ekoloji fəlakət zonasına çevrilməsinə dair azərbaycanlı jurnalistlərin sorğuları qarşısında dəmir sükut nümayiş etdirir. Alman kapitalının maraqları hər şeydən üstündür! Almanlar isə Pasternyakı oxumasalar da, qınayırlar! İnsan haqlarının pozulmasını qınayırlar-ya Azərbaycanda, ya da Birobicanda...

virtualaz.org

17 yanvar

11:38 - Minsk Qrupu yaya qədər buraxıla bilər11:36 - Ağdamda 4 nömrəli yaşayış massivinin tikintisinə 161 milyon xərclənəcək11:35 - Azərbaycanda "Nürnberq prosesi" başlayır

16 yanvar

15:34 - ABŞ-Ermənistan arasındakı sazişi Azərbaycanın uğursuzluğu kimi təqdim edənlərə...15:32 - Cənubi Qafqazda xaos ssenariləri planlaşdırılır...15:30 - Sənubər Nəzərova Departament rəhbəri təyin edildi14:31 - Gürcüstanın baş naziri Azərbaycana niyə gəlir?14:29 - Əliyev-Paşinyan görüşü keçirilə bilər14:26 - Nazirlik 10 manat kapitalı olan şirkətlə 77 milyonluq müqavilə imzaladı - Tendersiz

15 yanvar

11:40 - ABŞ-Ermənistan strateji sazişi - TAM MƏTN11:38 - ATƏT-ə sədrik edən ölkədən Minsk Qrupu açıqlaması 11:37 - Cənubi Koreya Prezidenti həbs olundu

14 yanvar

13:17 - "Nur" klinikası təcrübəli həkimlərlə fəaliyyətini davam etdirir11:06 - ABŞ-də Qrenlandiya ilə bağlı qanun layihəsi hazırlanıb11:03 - Laricani Rusiyaya niyə səfər edib? - "Tayms"11:00 - ERmənistanla ABŞ strateji tərəfdaşlıq sənədi imzalayır

13 yanvar

15:30 - "Azər-Türk Bank"ın rəhbərliyi nə qədər qazanır? - Məbləğ15:14 - İranın Cənubi Qafqaza baxışı necədir?15:11 - Bakıda piyadanı öldürən məmur kimdir?15:08 - Konstitusiya Məhkəməsində də ancaq Rusiya mətbuatı oxunur? - SİYAHI15:06 - Bəxtiyar Hacıyevə - 10 il həbs

11 yanvar

13:11 - İrəvan Minsk qrupuna görə ATƏT-ə müraciət edəcək13:01 - Muxtar Babayevin məqsədi nədir? - Verilən və verilməyən suallar...11:52 - 4 milyona görə həbs edilən birjaçı tanış çıxdı - Alışanovun qardaşı oğlu, Elarizin kürəkəni…11:47 - PKK təslim olur? - Öcalanın müraciəti gözlənilir11:43 - ABŞ-dən Rusiyaya yeni sanksiya - Vahid Ələkbərovun oğlu da var

10 yanvar

15:26 - Los-Ancelesdəki Baş Konsulluğumuzun binası evakuasiya edildi15:22 - ABŞ-dən Ermənistana İranla bağlı tələb15:16 - Avropa sərhədimizdəki müşahidəçiləri geri çəkmək istəmir

08 yanvar

12:42 - Rusiyada növbəti "Kovyor" - Bakı-Kazan reysi ləğv edildi"