"Heç mim bizə maska vermirdi" - Həsən Ruhani

İran Prezidenti Həsən Ruhani keçirdiyi video-konfransda ölkədəki iqtisadi problemlərdən danışıb.

Azsiyasət.com “Anadolu” agentliyinə istinadən xəbər verir ki, Ruhani ABŞ-ın sabiq prezidenti Donald Trampın tətbiq etdiyi sanksiyaların ölkədəki qiymətlər və inflaysiya baxımından İran xalqına böyük təzyiq olduğunu deyib:

“Covid-19 səbəbindən 1 milyon 100 min nəfər işsiz qaldı. Bir milyonun işsiz qalması isə milyonlarla insanı əziyyətlə üzləşdirir. İqtisadi problemlər, quraqlıq və daşqınlar xalqı sıxıntıya saldı”.

Ruhani pandemiya dövründə ölkəsinin bir sıra maneələrlə üzləşdiyini də qeyd edib:

“Maska istəyirdik, ancaq heç kim bizə maska vermirdi. Heç kim bizə süni nəfəs aparatı vermirdi. Tramp axmaq “Süni nəfəs cihazı istəyirsinizsə, sizə 4 ədəd göndərək” deyə mesaj yollamışdı. Mən də “Siz istəyirsinizsə, biz sizə 40 ədəd göndərək” deyə cavab vermişdim".