NATO ilə Rusiya arasında müharibə ola bilər - Bolqarıstanlı generel
Bolqarıstanın briqada generalı Valentin Tsankov «Dir» portalına verdiyi müsahibədə Qara dənizdəki situasiynıi analiz edib və NATO ilə Rusiya arasında toqquşma riski barədə xəbərdarlıq edib.
«Qara dəniz müəyyən müddət NATO qüvələri ilə Rusiya hava-hücumundan müdafiə (HHM) komponentlərinin birbaşa təmas yeri olub. Orada bir tərəf öz təlimlərini keçirir, digəri isə onun fəaliyyətini izləyir və özünün qarşı duran qüvvələrini öyrədir. Belə şərait real döyüş fəaliyyətinə kifayət qədər yaxındır. Ona görə ki, burada qiymətsiz təcrübə toplanıb. Real münaqişə şərti daxilində personalın fəaliyyət imkanları yoxlanır» - deyə, general qeyd edib.
Qüvvələrin toqquşmasından danışarkən, general xatırladıb ki, Britaniyanın «Defender» minadaşıyanının Rusiya patrul kateri və bombardmançıları tərəfindən silah işlətməklə qovulub.
«Biz anlayırıq ki, real situasiyada xəbərdaredici atəş raketlərin və digər vasitələrin döyüş tətbiqinin qısa fraqmentidir. Bu, Rusiyanın cavab fəaliyyətinə hazırlığının planlaşdırılmış yoxlanması idi - həm siyasi, həm də hərbi baxımdan» - bolqar general bildirib.
Tsankov Şimali Atlantika İttifaqının «Sea Breeze» təlimlərinin açar hissəsini Krımın ilhaqının tanınmamasının nümayişi adlndırıb.
«Bu, NATO üzvü ölkələrin siyasi qərarıdır və onun reallaşması Qara dənizdə buraya çıxışı olmayan ölkələrin, xüsusilədə Amerika Birləşmiş Ştatlarının (ABŞ) gəmilərinin gücləndirilmiş iştirakında özünü göstərir» - deyə, geneal əlavə edib.
Generalın fikrincə, beləliklə, Vaşinqton Rusiyaya təzyiq göstərməyə cəhd edir. Onun sözlərinə görə, Moskvada amerikalıların belə davranışını təhdid kimi qəbul edirlər və düşünürlər ki, ona güclü hərbi potensialla reaksiya vermək lazımdır.
