"Ermənistan kimyəvi silahların tətbiqinə görə məsuliyyətə cəlb edilməlidir"
“Ermənistan kimyəvi silahların tətbiqinə görə məsuliyyətə cəlb edilməlidir”.
Azsiyaset.com xəbər verir ki, bunu millət vəkili Asim Mollazadə bildirib.
Millət vəkili qeyd edib ki, Ermənistanın bu cinayəti beynəlxalq miqyasda ifşa edilməli və cəzalandırılmalıdır:
“Ermənistan Vətən müharibəsində həm hərbçilərə, həm də mülki insanlara qarşı qadağan edilmiş kimyəvi silahlardan istifadə etməklə ağır cinayətlər törədib. Bununla bağlı ölkəmizin əlində çoxsaylı sübutlar, konkret faktlar mövcuddur. Onlar kimyəvi silahalrdan istifadə etməklə təbiətə də böyük zərbə vurublar. Şuşa meşələrinin bir qismi həmin kimyəvi silahlardan istifadə edilməklə məhv edilib, bu meşələrdə yanğınlar törədilib. Təbii ki, bütün bunların beynəlxalq miqyasda ifşa edilməsinə ciddi ehtiyac var və Ermənistan törətdiyi bu cinayətlərə görə də məsuliyyətə cəlb edilməli, cəzalandırılmalıdır”.
Moderator.az
