Rus general İrəvana getdi

İyulun 13-də Ermənistanın müdafiə naziri vəzifəsini icra edən Vaqarşak Arutyunyan Rusiya Federasiyası Silahlı Qüvvələri Baş Qərargah rəisinin müavini general-polkovnik Sergey İstrakovun rəhbərlik etdiyi nümayəndə heyəti ilə görüşüb.

Azsiyaset.com “Armenian News”a istinadla xəbər verir ki, bu barədə ölkənin Müdafiə Nazirliyinin mətbuat xidmətindən məlumat verilib.

Rus hərbçiləri İrəvana ikitərəfli hərbi əməkdaşlıq çərçivəsində baş verən növbəti heyət danışıqlarında iştirak etmək üçün gəliblər.

Rusiya Federasiyası Silahlı Qüvvələri Baş Qərargahının rəis müavini Arutyunyana qarşıdakı işlərin istiqamətləri və həcmi barədə məlumat verib, həmçinin, ikitərəfli əməkdaşlıqla bağlı məsələləri açıqlayıb.

Ermənistanın müdafiə naziri erməni tərəfi üçün ən böyük əhəmiyyət kəsb edən bir sıra məsələləri sadalayıb.