Mövlud Çavuşoğlu Zəngəzur haqqında nə dedi?
17 iyul, 2021 00:11
İkinci Qarabağ müharibəsindən sonra Zəngəzur dəhlizi üzərindən əlaqə yaratmaq üçün yeni fürsətlər ortaya çıxıb.
Azsiyaset.com xəbər verir ki, bunu Türkiyə xarici işlər naziri Mövlud Çavuşoğlu Özbəkistanda keçirilən “Mərkəzi və Cənubi Asiya: Regional əməkdaşlıq, sınaqlar və imkanlar” adlı beynəlxalq konfrans çərçivəsində plenar müzakirələr zamanı deyib.
Onun sözlərinə görə, bu, eyni zamanda Qafqazda vəziyyətin normallaşması üçün də böyük əhəmiyyət daşıyır:
"Keçmişdə Mərkəzi Asiya böyük güclərin rəqabət meydanı idi. Buna geri qayıdılmasına icazə verməməliyik. Regionun bir-biri ilə əlaqəli ekosistemə ehtiyacı var. Bunun da yeganə yolu regional əməkdaşlığı kommunikasiya yolu ilə təşviq etməkdir".
