"Rusiya Əfqanıstana hərbi müdaxilə etməyəcək" - LAVROV

Rusiya Əfqanıstanda hərbi kontingentin yerləşdirilməsi və ya bu ölkə ərazisindəki terrorçulara dəqiq zərbələr endirilməsi imkanlarını nəzərdən keçirmir.

Azsiyaset.com xəbər verir ki, bunu Rusiya XİN başçısı Sergey Lavrov bəyan edib.

“Siz bizi amerikalılarla və ya sovet dövrünün təcrübəsilə səhv salırsınız”, - deyə nazir “İnterfaks”a müsahibəsi zamanı bildirib.

Həmçinin, Lavrov əlavə edib ki, hazırda Əfqanıstana hərbi müdaxilə barədə heç kim düşünmür.

Qeyd edək ki, ABŞ və NATO qoşunlarının payızadək Əfqanıstandan tamamilə çıxarılması gözlənilir.