Rusiya sülhməramlıları Qarabağda növbəti döyüş təlimi keçdi - FOTOLAR

Azərbaycan ərazilərində yerləşdirilmiş Rusiya sülhməramlı kontingenti Xankəndi ətrafındakı poliqonda növbəti döyüş təlimi keçirib.

Azsiyaset.com Rusiyanın Müdafiə Nazirliyinə istinadən xəbər verir ki, kontingentin maddi-texniki təminat bölmələrinin döyüş hazırlığının yüksəldilməsi üçün keçirilən təlimlərdə 100-ə yaxın şəxsi heyət və BTR-lər iştirak edib. Şəxsi heyət müəyyən taktiki vəziyyətə gətirilib və bu zaman üç vəzifənin yerinə yetirilməsi tələb olunurdu: minalanmış sahəni keçmək, şərti rəqibin kiçik diveriya qruplarına atəş zərbələrinin endirilməsi və vurulmuş zirehli transporyorun döyüş meydanından çıxarılması.

Təlim zamanı BTR-80 zirehli transporyorunun sürücüləri dağlıq şəraitdə maksimal sürətlə ekstramal sürüş vərdişlərini nümayiş etdiriblər, döyüş şəraitinə maksimal yaxınlaşdırılmış şəraitdə təmir briqadası vurulmuş texnikanı döyüş meydanından evakuasiya ediblər.

“Döyüş şəraitində maksimum cəld və dəqiq hərəkət etmək lazımdır. Döyüş maşınına yaxınlaşmaq, onu düzgün şəkildə yedəyə almaq və döyüş meydanından sürətlə evakuasiya etmək. Bu təkcə məndən yox, bütün heyətdən asılıdır”,- sülhməramlı kontingentin nümayəndəsi Arsen İsmayılov bildirib.