"Rusiyanln vasitəçiliyi ilə 81 erməni hərbi əsir qaytarıldı" - Kopırkin

2020-ci ilin noyabrından Rusiyanın vasitəçiliyi ilə 97 hərbi əsir qaytarılıb. Onlardan 81-i erməni əsgəri, 16-sı Azərbaycan əsgəridir.

Azsiyaset.com xəbər verir ki, bu barədə Ermənistan İctimai Televiziyasına müsahibəsində Rusiyanın bu ölkədəki səfiri Sergey Kopırkin deyib.

Qeyd edək ki, Ermənistan Baş naziri Nikol Paşinyan Azərbaycanda 60 “əsir”in olduğu barədə dəqiqləşdirilmiş məlumat əldə edildiyini iddia edib. Qeyri-rəsmi mənbələr isə bu sayın 110 olduğunu bildirir.

Azərbaycan 10 noyabr 2020-ci il bəyanatından sonra Azərbaycan ərazisinə keçən erməni əsgərləri terrorçu kimi tanıyır.