"Ölkəmizdə HHM sistemi yerləşdirin" - Ukrayna ABŞ-dan xahiş edir

Ukrayna hakimiyyəti Rusiyanın «ilhaq olunmuş» Krım ərazisində nüvə silahı yerləşdirməyə hazır olmasından narahatlığı səbəbilə Vaşinqtona öz ərazisində Amerika hava-hücumundan müdafiə (HHM) sistemləri yerləşdirmək çağırışı edib.

Uyğun bəyanatı Ukraynanın Baş nazir müavini və müvəqqəti işğal olunmuş ərazilərin reinteqrasiyası məsələləri üzrə nazir Aleksey Reznikov səsləndirib. Onun tabeliyində olan idarənin mətbuat xidmətinin xəbər verdiyi kimi, Ukraynaya Amerika ordusunun göndərilməsi xahişini o, ABŞ-ın «Ceymstaun» fondunun başçısı Qlen Hovardla görüşü zamanı səsləndirib.

Reznikov xəbər verib ki, Rusiya artıq «de-fakto Azov dənizini işğal edib və Qara dənizdə balansı total şəkildə dəyişib, oranı tam olaraq hərbiləşdirib».

«Biz, Rusiyanın Krıma nüvə silahı yerləşdirməyə hazırlamağa istiqamətlənmiş fəaliyyətindən xüsusilə narahatıq» - Baş nazir müavini əlavə edib.

Onun məlumatına görə, Rusiya ilhaq etdiyi Krım yarımadasına söykənərək, Yaxın Şərqdə, Afrikada hərbi əməliyyatlar aparır, Balkanlara təsir göstərir.

«Ukrayna üçün vacib olanı təhlükəsiz paketin genişləndirilməsidir. İlk növbədə - HHM qüvvələrinin yerləşdirilməsi hesabına, hətta Amerika bölmələrinin yerləşdirilməsi yolu ilə olsa da. Bizim qanunvericiliyimiz buna imkan verir» - Reznikov bəyan edib.