"İrəvan sülh sazişindən ona görə yayınır ki..." - Erməni jurnalist
Mən Gürcüstan ermənisiyəm və Azərbaycanla Ermənistan arasında sülhün tərəfdarıyam.
Azsiyaset.com xəbər verir ki, bu sözləri media.az-a müsahibəsində Gürcüstanda doğulan milliyətcə erməni jurnalist Artyom Avakimov deyib.
O, ən qısa zamanda əlaqələrin bərpa edilməsinin vacibliyini qeyd edib. Həmçinin, jurnalist Ermənistanın sülh müqaviləsi imzalamaqdan yayınmasının mümkün səbəblərindən danışıb.
"Hesab edirəm ki, əvvəllər işğal edilmiş və artıq azad olunmuş Azərbaycanın yeddi rayonu elə ilk növbədə, özü də çoxdan geri qaytarılmalı idi. Yalnız bundan sonra Xankəndi məsələsini, orada yaşayan həm erməni, həm də azərbaycanlıların rəyi nəzərə alınmaqla həll etmək olardı. Düşünürəm ki, çoxdan razılığa gəlmək mümkün idi”, - deyə jurnalist bəyan edib.
O, Ermənistan hakimiyyətinin Bakının uzun illər əvvəl irəli sürdüyü Qarabağ üçün mədəni muxtariyyət təklifini hansı səbəbdən rədd etdiyini anlamadığını bildirib.
