Rusları tənqid etmiş azərbaycanlı məzhəkəçi - Daha bir ittiham və 10 sutkalıq "yüngül" cəza

Rusiyalı politoloq Yevgeni Satanovski Azərbaycan əsilli məzhəkəçi İdrak Mirzəlizadənin dəstəkçilərini tənqid edib.

Azsiyaset.com xəbər verir ki, ruslar və döşək haqqında təhqiramiz zarafatından sonra 10 gün həbs edilən İdrak Mirzəlizadəyə bir qrup "stand-up"çı "Telegram"da arxa durub.

Keçmiş teleaparıcı Mixail Şats və məşhur şoumen Aleksandr Qudkov da daxil olmaqla, Mirzəlizadənin tərəfini tutanlar zarafata görə cəzadan sonra elmlə məşğul olanlar üçün də cəza təqib ediləcəyini qeyd ediblər.

Politoloq Yevgeni Satanovski onlarla qətiyyən razı deyil.

O xatırladıb ki, Üçüncü Reyxdə yəhudiləri lağa qoymağı xoşlayırdılar. Ancaq bu çox pis bir yumordur. "Tərbiyə və təhsildəki boşluqlar yalnız yumoristlər arasında deyil. Vəziyyət bundan sonra daha da pisləşəcək", - deyə o yazıb.

Satanovski xatırladır ki, çirkin zarafatdan sonra heç kim Mirzəlizadəyə qarşı  zorakılıq çağırışı etməyib, "hətta bizim "kobud" hüquq-mühafizə sistemimiz də bu zarafata barmaqarası baxıb".

Satanovski soruşub ki, Mirzəlizadənin müdafiəsinə qalxan Timur Karginov eyni şəkildə osetinlər , yaxud Harlemdəki zəncilər, Buxaradakı özbəklər haqqında, Fustat və ya Qəzzadakı ərəblər, Qroznıdakı çeçenlər haqqında da zarafat edə bilərmi? "Hər yerdə 10 günlük cəza çətin ki verilsin. Çox güman ki, tamaşaçıların cavabı çox becidi və çox sərt olacaq ”, - deyə politoloq vurğulayıb.

Satanovski hesab edir ki, Mirzəlizadənin yaradıcılıq tərcümeyi-halı uzun müddət ruslar haqqında zarafatı ilə yadda qalacaq. 

Xatırladaq ki, İdrak Mizəlizadənin zarafatından sonra ona bir sıra təhdidlər yağdırılıb. Məzhəkəçinin özü sosial şəbəkədə bu haqda paylaşım edib.