Türkiyə İranla sərhəd boyunca beton divar çəkir

19 avqust, 2021 00:01

“Sərhəd təhlükəsizliyimiz üçün fərqli tədbirlər görməyə başladıq”.

Azsiyaset” xəbər verir ki, bunu Türkiyə Prezidenti Rəcəb Tayyib Ərdoğan canlı yayımda çıxışı zamanı deyib.

Prezident bildirib ki, İranla dörd vilayətin sərhədi var:

“Ağrı, Hakkari, Iğdır və Van İranla həmsərhəddir. Sərhəd xəttində 157 kilometrlik divar tamamlandı. Bunlar təkcə köç üçün yox, terrora qarşı da bizim üçün vacib amildir.

Bu divarı formalaşdıran üç metrlik blokların üzərində bir metrlik tikanlı məftillər var. Tamamlanan divar uzunluğu çox sürətlə artacaq. Bunları termal kameralarla izləyirik”.