İlham Əliyevin sözlərinə Rusiyadan gözlənilməz cavab

Rusiyanın xaricə silah tədarük etməsi süveren hüququdur.

"Azsiyaset" xəbər verir ki, bu sözləri Rusiya Xarici İşlər Nazirliyinin mətbuat katibi Mariya Zaxarova Prezident İlham Əliyevin məlum açıqlamasına cavab olaraq deyib.

“Biz bu barədə çox eşidir və oxuyuruq, ancaq diqqətə çatdırmaq istəyirəm ki, bizim qarşılıqlı əlaqələrimiz Ermənistanla necədirsə, Azərbaycanla da elədir”, - Zaxarova bildirib.

Zaxarova həmçinin vurğulayıb ki, Rusiya regionda güc balansını qorumağı vacib sayır.

Başqa sözlə, Rusiya XİN rəsmisi Rusiyanın Ermənistanın “gücünü” Azərbaycan səviyyəsinə qaldırmağı prioritet seçdiyini dolayısı ilə elan edib.

Qeyd edək ki, Prezident İlham Əliyev CNN Türk kanalına müsahibəsində Ermənistanı sülh müqaviləsini imzalamağa meyilli olmamaqda və revanşist əhval-ruhiyyədə ittiham etmişdi. Prezident Rusiyanın Ermənistanı silahlandırdığını da vurğulamış, qeyd etmişdi ki, bu, əvvəllər olduğu kimi, heç nəyi dəyişməyəcək.