"Rusiya terrorçunu silahlandırmamalıdır" - Hulusi Kılıç
“Rusiya Ermənistanla Azərbaycan arasındakı müharibədən sonra sülhməramlı göndərən ölkədir. Dolayısı ilə Ermənistanı silahlandırmamalıdır. Bölgədəki balansı qorumalıdır”.
Azsiyaset.com xəbər verir ki, bu sözləri bakupost.az -a Türkiyənin ölkəmizdəki keçmiş səfiri Hulusi Kılıç Rusiya Xarici İşlər Nazirliyinin mətbuat xidmətinin rəhbəri Mariya Zaxarovanın “Rusiyanın xaricə silah tədarük etməsi süveren hüququdur” açıqlamasına münasibət bildirərkən deyib.
Hulusi Kılıçın sözlərinə görə, Azərbaycan hər zaman dostluq münasibətinin yaranmasını istəyir:
“Azərbaycan dostluq anlaşması imzalmağa hazır olduğunu qətiyyətlə bildirib. Ermənistanı silahlandırma isə bölgədəki vəziyyəti pozduğu qədər də, terror fəaliyyətlərini artırmağa kömək etmiş olacaq. Sabitliyin davam etməsi üçün Rusiyanın Ermənistana silah satması doğru deyil. Rusiya iki ölkə arasında atəşkəsi nizamlayan ölkədir. Mariya Zaxarovanın açıqlanması çox guman ki, başqa anlam xarakteri daşıyır. Ermənistana başqa ölkələr də, o cümlədən Fransa da silah verir. Hətta fərq odur ki, bunu pulsuz həyata keçirirlər. Tez bir zamanda barışıq olmalıdır. Ermənistan keçmişi unudub, gerçəkləri qəbul etməlidir. Rusiyanın bu zamanda Ermənistana silah verməsi heç doğru deyil”.
Qeyd edək ki, Prezident İlham Əliyev CNN Türk kanalına müsahibəsində Rusiyanın Ermənistanı silahlandırdığını bildirmişdi. Mariya Zaxarova Prezident İlham Əliyevin məlum açıqlamasına cavab olaraq isə, “Rusiyanın xaricə silah tədarük etməsi süveren hüququdur”,- deyə açıqlama verib.
