Kabildə yeni partlayışlar: Ölən ABŞ hərbçilərinin sayı artıb - YENİLƏNİB

Kabildə daha iki partlayış baş verib. Bu barədə “Al Arabiya” məlumat yayıb. Məlumata əsasən, partlayış səsləri paytaxtın kənar məhəllərində eşidilib.

Pentaqondan verilən məlumata görə, terror aktları nəticəsində 12 ABŞ hərbçisi ölüb.

Onlardan 11-i dəniz piyadası, biri isə hərbi həkimdir.

***

Kabildə baş verən partlayış nəticəsində ölən ABŞ həbrçilərinin sayı 10-a çatıb.

"CNN-Türk" xəbər verir ki, itkinlər də var, onların dəqiq sayı açıqlanmayıb.

***

Əfqanıstanın paytaxtı Kabildə hava limanının yaxınlığında baş verən partlayışlar nəticəsində ABŞ-ın dörd dəniz piyadası həlak olub.

"Azsiyaset" xəbər verir ki, bu barədə "The Wall Street Journal" ABŞ-ın Kabildəki diplomatik missiyasına istinadən məlumat yayıb.

Mənbə azı üç amerikalı əsgərin yaralandığını qeyd edir.

Yayılan məlumatlara görə, qurbanların arasında həm Əfqanıstan, həm də ABŞ vətəndaşları var.

Xatırladaq ki, bu gün Kabil hava limanı yaxınlığında baş verən partlayışlar zamanı 15 nəfər ölüb, 70-ə yaxın insan yaralanıb.