Fransa "Taliban"ı tanıyacaqmı? - Makron şərtləri açıqladı
Fransa prezidenti Emmanuel Makron dünya birliyinin taliblərə irəli sürdüyü şərtləri açıqlayıb.
Bu barədə o , yerli “TF1” kanalına müsahibəsində danışıb.
Fransa prezidenti “Taliban” rəhbərliyi ilə aparılan danışıqların onlaırn rəsmi şəkildə tanınmaması gərəkdiyini söyləyib. E.Makronun sözlərinə görə, “Taliban” artıq bütün Əfqanıstan və Kabil üzərində nəzarəti ələ keçirdiyi üçün hökumət onlarla kontakta girməyə məcburdur. Bu səbəbdən rəsmi Paris praktik plan üzrə hərəkatla müzakirələr aparır.
Fransa lideri “Taliban”ın rəsmi şəkildə tanınması ilə bağlı şərtləri olduğunu deyib. Onun bildidiyinə əsasən, bunların başında insan haqlarına hörmət edilməsi gəlir. Bundan başqa, taliblərdən Əfqanıstanın digər terror qruplaşmaları ilə əlaqələri kəsmək tələb olunur. Makron “Taliban”dan “əfqan qadınların hüquqlarının qorumasını” istədiklərini qeyd edib.
