"Postsovet məkanında rus dili öz mövqeyini çox tez itirməyə başlayıb" - LAVROV
31 avqust, 2021 14:39
Son 30 ildə postsovet məkanında, xüsusən də Rusiyaya əmək miqrantlarının böyük hissəsinin gəldiyi Mərkəzi Asiya regionunda rus dilinin mövqeyi zəifləyir. Bu barədə Rusiyanın xarici işlər naziri Sergey Lavrov milli mədəni birliklərin nümayəndələri ilə görüşü zamanı bildirib. Rusiya kİV-lərinin yazdığına görə, Lavrov deyib:
“Təəssüf ki, son 30 ildə rus dili öz mövqeyini çox tez itirməyə başlayıb”.
Rusiya XİN başçısı qeyd edib ki, son dövrlərdə suverenlik qazanan və öz mədəniyyətini qorumaq istəyən ölkələr üçün tamamilə təbii olan milli dilin təbliğinə önəm verilib, eyni zamanda, bir sıra hallarda isə rus dili birdən-birə mövqeyini itirib.
