Narendra Modi Azərbaycanın müharibə təcrübəsi əsasında əmrlər verdi - Hindistan "DRON"lar alır...
Hindistan ordusu, donanması və hərbi hava qüvvələri son bir neçə gün ərzində baş nazir Narendra Modinin göstərişi əsasında pilotsuz aparatlar əldə etmək üçün bir neçə müqavilə bağlayıb. Müqavilələrin ümumi dəyəri 70 milyon dollara yaxındır və podratçılar qismində əsasən Hindistan şirkətləri seçiliblər.
Azsiyaset.com virtualaz.org-a istiandla xəbər verir ki, Hindistanın “The Print” nəşrinə istinadən bildirir ki, bu müqavilələr baş nazirin Azərbaycan-Ermənistan müharibəsinin təcrübəsi əsasında Hindistan ordusunun yeni müharibə şərtlərinə adaptasiya olunması barədə göstərişlərinə uyğun olaraq imzalanıb.
Müqavilələr kamikadze-dronların , müxtəlif müşahidə PUA-larının, üzən pilotsuz aparatların və digərlərinin təchizatını nəzərdə tutur. Müdafiə və təhlükəsizlik sahəsindəki mənbələr deyiblər ki, “yuxarıdan göstəriş” çox dəqiqdir-Hindistan şirkətlərinə üstünlük verilsin. Mənbələr bildiriblər ki, baş nazirin dəftərxanası Azərbaycanla Ermənistan arasında münaqişə zamanı tətbiq edilən daha müasir müharibə texnologiyalarının tətbiq edilməsində israr edir.
Bildirilir ki, pilotsuz aparatların və sursatların alınması “hərb işində inqilab”dır və müharibənin aparılması üsullarını dəyişdirir. Bütün müqavilələr təcili təchizat şərti ilə imzalanıb, göstərişə əsasən Hindistan ordusunun dronlarla silahlandırılması sürətlə həyata keçirilməlidir. Ordu habelə Pakistan və Çinlə sərhəddə döyüş hazırlığını artırmaq üçün 100 taktiki dron-kamikadze sifariş verib. Bu dronları Hindistan-İsrail birgə müəssisəsi (Elbit Systems və Alpha Design) istehsal edir və 12 ay ərzində təhvil verilməlidir.
O cümlədən Hindistan Hərbi Hava Qüvvələri daha iri kəşfiyyat dronlarının əldə edilməsi üçün sifariş verib.
Qeyd edək ki, 44 günlük müharibə zamanı Azərbaycan ordusunun geniş çeşiddə PUA-lardan, o cümlədən “Bayrajtar TB2” zərbə pilotsuz təyyarəsi və “Harop” kamikadze-dronlarından geniş miqyasda istifadə etməsi, artilleriya atəşlərinin dronlarla koordinasiya olunması və döyüş aviasiyasının PUA-larla koordinasiyalı fəaliyyəti beşinci nəsil müharibə təcrübəsini ortaya qoyub. Bu təcrübə dünyanın aparıcı ölkələri, o cümlədən ABŞ tərəfindən öyrənilir. Bir çox ölkələr Azərbaycan ordusunun ortaya qoyduğu müharibə təcrübəsi əsasında silahlanma konsepsiyasını dəyişdirirlər və öz ordularını dronlarla silahlandırmaq üçün təcili fəaliyyətlərə başlayıblar. Hindistan da bu təcrübəni ilk günlərdən və yaxından öyrənən ölkələrdən biridir.
