"Miqrasiya böhranının ssenarisi Minskdə yox, Moskvada yazılıb"

“Polşa hökuməti bir ölkə olaraq Rusiyanın və onun lideri Vladimir Putinin işlərini yaxşı bilir, buna görə də Polşa-Belarus sərhədindəki miqrasiya böhranının Minsk deyil, Moskvanın işi olduğu aydındır”, - deyə polşalı ekspert Karol Qats əminliklə vurğulayıb. Moderator.az bildirir ki, o, “Polskie Radio”ya verdiyi müsahibədə daha sonra bunu xatırladıb: “Rusiya-Belarus “Qərb-2021” təlimləri əslində yalnız adına görə birgədir, çünki ilk növbədə bunlar Rusiyanın özünün məşqləridir”.

Artıq sentyabrın 10-da Rusiya-Belarus birgə “Qərb-2021” təlimləri başlayacaq. “Polskie Radio” xəbər verir ki, təlimlər zamanı Litva ilə dövlət sərhədini keçmək də daxil olmaqla, bir sıra təxribatların ola biləcəyi haqda informasiyalar var.

““Qərb-2021” təlimi hər şeydən əvvəl təəccüblü deyil ki, keçmişdə NATO ölkələrinə qarşı hər cür hərəkət və ya jest etməyə icazə verən Rusiya Federasiyasının təlimidir. Xatırladım ki, o, hava məkanını dəfələrlə pozub... Əgər rus xidmətlərinin hərəkətlərindən danışırıqsa, bir vaxtlar Baltikyanı ölkələrlə sərhəddə problemlər var idi. Onlar tez-tez açıq şəkildə Qərbi Avropa və NATO ölkələrinin ərazisində fəaliyyət göstərirlər”, - deyə polşalı ekspert radiostansiyaya açıqlamasında bildirib.

Söhbətdə o, Polşa-Belarus sərhədindəki miqrantlarla bağlı vəziyyəti də şərh edib. “Polşa hökuməti Rusiyanın necə bir ölkə, Vladimir Putinin necə bir lider olduğunu yaxşı anlayır. Şübhə yoxdur ki, miqrasiya böhranı ssenarisi Minskdə yox, Moskvada yazılıb”, - deyə analitik vurğulayıb.