"Qarabağla bağlı razılaşmalar siyasi həll üçün yetərlidir" - General Sidorov
14 oktyabr, 2021 14:53
"Qarabağla bağlı əldə olunan razılaşmalar bölgədə son siyasi həll üçün kifayətdir".
"Azsiyaset" xəbər verir ki, bunu KTMT Birgə Qərargah rəisi, general-polkovnik Anatoli Sidorov bildirib.
"Rusiya Federasiyasının vasitəçiliyi ilə hərbi əməliyyatlar dayandırılıb. İndiyə qədər əldə olunan razılaşmalar Dağlıq Qarabağla bağlı böhranın siyasi yolla sona çatması üçün lazımi şərtlərin formalaşmasına kömək edir", - deyə Sidorov brifinqdə qeyd edib.
Onun sözlərinə görə, 2021-ci ilin may ayından bəri atəşkəsin vaxtaşırı pozulmasına baxmayaraq, hazırda tərəflər arasında konstruktiv dialoqun qurulması istiqamətində davamlı tendensiya var.
