Türkiyəni hədəfə alan 10 səfirdən geri addım - Ərdoğan "Ya başa düşəcəklər, ya da gedəcəklər" demişdi
Terrora açıq dəstək verdiyi, bəzi dövlət əleyhinə cinayətlərdə iştirak etdiyi üçün həbsə alınan Osman Kavalanın sərbəst buraxılması üçün çağırış edərək, Türkiyənin məhkəmə və daxili işlərini hədəf alan səfirliklər bu gün ard-arda geri çəkildikləri ilə bağlı açıqlamalar veriblər.
Prezident Rəcəb Tayyib Ərdoğanın persona non-qrata elan edilməsini əmr etdiyi səfirlər, ölkələrinin Twitter hesablarında "Ölkələrin daxili işlərinə qarışmamaqla bağlı yazını yerinə yetiririk" açıqlaması ilə çıxış ediblər.
Prezident Ərdoğan, “Bura, tayfa dövləti deyil. Ya Türkiyəni anlayacaqlar, ya da gedəcəklər” demişdi.
Bu bəyanatdan sonra Türkiyəni hədəf alan bəyanata imza atan səfirlər səhv etdiklərini etiraf ediblər. Belə ki, ABŞ səfirliyinin rəhbərlik etdiyi bəyanatlarda aşağıdakı ifadələr yer alıb: “18 oktyabr bəyanatı ilə bağlı yaranmış bəzi suallara aydınlıq gətirmək məqsədilə biz Diplomatik Münasibətlər haqqında Vyana Konvensiyasının 41-ci maddəsinə əməl etdiyimizi təsdiqləyirik”.
Qeyd edək ki, Osman Kavala ilə bağlı qalmaqallı çağırışdan sonra Xarici İşlər Nazirliyi sürətlə işə qarışaraq səfirləri nazirliyə çağırıb. Çağırışın Türkiyənin məhkəmə sistemi və daxili işlərinə qarışdığı ifadə edilərək pislənilib.
Prezident Rəcəb Tayyib Ərdoğan isə xarici işlər naziri Mövlud Çavuşoğluna təlimat verdiyini açıqlayaraq "Ən qısa zamanda onların persona non-qrata elan edilməsini idarə edəcəyinizi söylədim" dedi.
"Bu, tayfa dövləti deyil, Türkiyə dövlətidir! Ya başa düşəcəklər, ya da gedəcəklər”, - deyə Ərdoğan əlavə edib.
Ərdoğanın bu açıqlamasından sonra səfirliklərdən bir-birinin ardınca onların geri addım atdıqlarını nümayiş etdirən açıqlamalar gəldi. Budur izahatlar:
ABŞ SƏFİRLİYİNDƏN BƏYANAT
Beləliklə, ABŞ səfirliyindən verilən açıqlamada deyilib: "Birləşmiş Ştatlar, 18 oktyabr bəyanatı ilə bağlı yaranmış bəzi suallara aydınlıq gətirmək məsədilə biz Diplomatik Münasibətlər haqqında Vyana Konvensiyasının 41-ci maddəsinə uyğunluğunu təsdiqləyirik".
HOLLANDİYADAN BƏYANAT
ABŞ səfirliyi tərəfindən eyni bəyanatla Hollandiya səfiri də çıxış edib. Niderlandın səfiri Marjanne de Kvaasteniet deyib: “Hollandiya 18 oktyabr tarixli bəyanatla bağlı bəzi suallar doğurduğu üçün Diplomatik Münasibətlər haqqında Vyana Konvensiyasının 41-ci maddəsinə əməl edildiyini təsdiqləyir”.
KANADA SƏFİRLİYİNİN AÇIQLAMASI
"Kanada, 18 Oktyabr bəyanatı ilə əlaqədar bəzi sualların ortaya çıxması səbəbindən Diplomatik Münasibətlər Vyana Konvensiyasının 41-ci maddəsinə uyğun olduğunu təsdiqləyir", - Kanada səfirliyinin bəyanatında deyilir.
YENİ ZELLANDANIN İZAHI
Yeni Zelandiya səfiri Wendy Hinton deyib: "Yeni Zelandiya, 18 Oktyabr bəyanatı ilə əlaqədar bəzi sualların qaldırılması münasibətilə Diplomatik Münasibətlər Vyana Konvensiyasının 41 -ci maddəsinə uyğun olduğunu təsdiq edir."
İKİ SƏFİRDƏN RETWEET
Danimarkanın səfiri Denni Annan və Norveç səfiri Erlinq Skyonsberq ABŞ-ın bəyanatını retvit edib.
ALMANYA VƏ FRANSA DA GERİ ÇƏKİLDİ
Almaniya və Fransanın Ankaradakı səfirlikləri də ABŞ səfirliyinin "Diplomatik Münasibətlərə dair" Vyana Konvensiyasının 41-ci maddəsinə əməl edildiyinə dair bəyanatını retvit edərək eyni fikri bölüşüblər.
Almaniya və Fransanın bəyanatı paylaşması ilə Osman Kavala açıqlama verən 10 ölkənin hamısı geri addım atmış oldu.
VYANA KONVENSİYASININ 41-ci MADDƏSİ
1. İmtiyaz və immunitetlərdən istifadə edən bütün diplomatik şəxslər bu imtiyaz və immunitetlərə ziyan vurulmadan yerləşdiyi dövlətinin qanun və qərarlarına hörmət etməyə borcludurlar. Onlar, həmçinin bu dövlətin daxili işlərinə qarışmamalıdırlar.
2. Səfirlik və nümayəndəliyin təmsilçiləri onları təyin edən dövlət tərəfindən tapşırılan rəsmi işləri səfirliyin və nümayəndəliyin yerləşdiyi dövlətin Xarici İşlər Nazirliyi və ya razılıq əldə edilmiş digər bir nazirliklər vasitəsilə aparır.
3. Səfirliyin və ya nümayəndəliyin binaları onların bu Konvensiya ilə və ya başqa beynəlxalq hüquq normaları ilə müəyyən edilən səlahiyyətləri, eləcə də səfirliyin və ya nümayəndəliyin təmsilçilərini təyin edən dövlətlə yerləşdiyi dövlət arasında qüvvədə olan razılaşmalarla bir araya sığmayan məqsədlər üçün istifadə edilə bilməz.
