"Hazırda bu yolların açılması məsələsi müzakirə olunur" - Paşinyan detalları açıqladı

“Üçtərəfli bəyanatda regiondakı bütün nəqliyyat kommunikasiyalarının açılmasının vacibliyi əks olunub. Bu o deməkdir ki, mövcud dəmir və avtomobil yolları açılmalıdır”.

Bunu Ermənistanın baş naziri Nikol Paşinyan parlamentdə çıxışı zamanı bildirib. Onun sözlərinə görə, bu yollar region ölkələri üçün əlçatan olmalı, yük və sərnişin daşımalarına xidmət etməlidir:

“Kommunikasiyaların açılması düşmənçilik deyil, sülh və təhlükəsizliyin bərpası məntiqinə əsaslanmalıdır. Hazırda bu yolların açılması məsələsi müzakirə olunur”, - deyə Paşinyan qeyd edib.