İsraildən sirli təyyarə reysi - Bakıya və Ər-Riyada...

Daha əvvəl redaksiyamızın xəbər verdiyi kimi, İsrailə məxsus şəxsi təyyarə Səudiyyə Ərəbistanının paytaxtı Ər-Riyaddakı “Kral Xalid” hava limanına enib. Bu, Səudiyyə Ərəbistanı tərəfindən tarixdə ilk dəfə İsrail təyyarəsinin qəbul etməsidir.

İsrail və Səudiyyə Ərəbistanı arasında heç bir kommersiya uçuşunun olmadığı və  diplomatik əlaqələrin olmaması səbəbindən İsrail təyyarəsinin enişi iki ölkə arasındakı münasibətlərdə mühüm mərhələdir.

Eyni zamanda, İsrailin “Maariv” qəzeti Səudiyyə Ərəbistanına uçuşu son dərəcədə sirli adlandırır. Bombardierin şəxsi idarəedici təyyarəsi Səudiyyə Ərəbistanına uçmazdan əvvəl İordaniyanın paytaxtı Ammanda dayanıb.

İsrailli jurnalistlər bu şəxsi təyyarənin uçuş tarixini izləməyə çalışıblar, bu da daha çox suallar doğurub.

Məlum olub ki, həmin təyyarə bir neçə gün əvvəl Türkiyə, Almaniya və İtaliyaya da uçuş həyata keçirib. Avqust ayında bu təyyarəni Konqoda görüblər, iyulun 26-da isə təyyarə Heydər Əliyev Beynəlxalq Hava Limanına enib və orada cəmi bir saat qalıb. Bakıdan təyyarə yenidən İsrailə uçub(virtualaz.org).