"Bakı və İrəvan, təmkinli olun" - Mariya Zaxarova

"Moskva Ermənistan və Azərbaycanı təmkinli olmağa, insidentlərin təkrarlanmasına imkan verməməyə və problemləri diplomatiya yolu ilə həll etməyə çağırır".

"Azsiyaset" xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib.

"Biz hər iki tərəfi təmkinli olmağa, yeni insidentlərin qarşısını almağa və bütün mübahisələri müstəsna olaraq siyasi və diplomatik yollarla həll etməyə çağırırıq", - Zaxarova çərşənbə günü keçirdiyi brifinqdə deyib.

Rusiya Xarici İşlər Nazirliyinin nümayəndəsi əlavə edib ki, Moskva regionda sülh və sabitliyin qorunması maraqları naminə tərəflərə bundan sonra da yardım göstərməyə hazırdır.