Kəlbəcər istiqamətində döyüşlər: erməni tərəfi itkilərini açıqladı - YENİLƏNİB

15.42

Xəbər verildiyi kimi, bu gün dekabrın 10-da günorta saatlarından başlayaraq Ermənistan ordusunun bölmələri Azərbaycan ordusunun Kəlbəcər rayonu istiqamətində yerləşən mövqelərinə qarşı yeni təxribat cəhdləri edib. Bu təxribatın qarşısı alınıb. Ermənistan Müdafiə Nazirliyi bildirir ki, atışma zamanı 1 erməni əsgəri öldürülüb, bir neçəsi yaralanıb. Yaralıların ikisinin ağır vəziyyətdə olduğu bildirilir. Döyüşlər Basarkeçər rayonunun Zod kəndi istiqamətində gedir.

***

Ermənistan silahlı qüvvələrinin bölmələri dövlət sərhədinin Basarkeçər rayonu ərazisində əlavə canlı qüvvə və döyüş texnikası cəmləşdirməklə növbəti təxribata əl atıb. Bu barədə Azərbaycan Müdafiə Nazirliyi məlumat yayıb. 

Qarşı tərəf dekabrın 10-u saat 12:00-dan etibarən Kəlbəcər rayonu ərazisində yerləşən Azərbaycan Ordusunun mövqelərini atəş altında saxlamağa cəhd edib.

Bölmələrimiz tərəfindən qısa müddət ərzində görülən cavab tədbirləri nəticəsində qarşı tərəf susdurularaq, onun təxribat xarakterli fəaliyyətləri dayandırılıb.

Əməliyyat şəraiti bölmələrimizin nəzarəti altındadır.