Gürcüstandan “3+3” ilə bağlı görüşə etiraz - "Görüşdə Gürcüstan bayrağının təqdim olunması..."
14 dekabr, 2021 00:34
Gürcüstanın Xarici İşlər Nazirliyi (XİN) “3+3” əməkdaşlıq plarforması çərçivəsində dekabrın 10-da Moskvada keçirilmiş görüşə etiraz edib.
Bu barədə Gürcüstan XİN-in yaydığı bəyanat yayıb.
Bəyanatda qeyd olunub ki, “3+3” regional formatı ilə bağlı Gürcüstan dəqiq mövqeyini dəfələrlə bəyan edib:
“Gürcüstanın bu formatda iştirakını müzakirə etməyəcəyik. Moskvada dekabrın 10-da keçirilən görüşdə Gürcüstan bayrağı təqdim olunub, və bu, əlbəttə ki, bizim üçün qəbuledilməzdir. Biz buna müvafiq diplomatik kanallar vasitəsilə reaksiya vermişik”.
Qeyd edək ki, Moskva toplantısında Azərbaycan, Türkiyə, İran, Ermənistan və Rusiya təmsil olunub. İclasda çoxşaxəli regional əməkdaşlığın inkişaf perspektivləri ətrafında fikir mübadiləsi aparılıb.
