"İran İsrailin hərbi obyektlərinə zərbə endirməyə hazırdır" - İranlı general
22 dekabr, 2021 08:43
«Hətəm-Ənbiyə» mərkəzi qərargahının komandanı İsrailin İrana hücumuna hərbi cavab veriləcəyini vəd edib.
Bu barədə dekabrın 20-də Mehr agentliyi xəbər verib.
Komandan, general-mayor Qulaməli Rəşid bəyan edib: «İran İslam Respublikasının nüvə və həri bazasına sionist rejimi (İsrail) tərəfindən istənilən təhdidə Birləşmiş Ştatlar tərəfindən yaşıl işıq yandırılması və dəstək verilməsi mümkün deyil… Əgər belə təhdidlər real olarsa, İran silahlı qüvvələri əlüstü və qəti şəkildə bütün bu mərkəzlərə, bazalara, marşrut və məkanlara hücum edəcək».
Bundan əvvəl KİV-lər xəbər vermişdilər ki, İsrail İranın nüvə obyektlərinin meydana gəlməsinin qarşısını hərbi yolla alacaq.
