Mixeil Saakaşvilinin vəziyyəti daha da ağırlaşdı - O, azad ola biləcəkmi?
30 dekabr, 2021 10:11
Gürcüstanın sabiq Prezidenti Mixail Saakaşvilinin sevgilisi Yelizaveta Yasko siyasətçinin vəziyyətinin kritik olduğunu bildirib.
“RİA Novosti” xəbər verir ki, o, bu barədə Feysbukda məlumat paylaşıb.
"İki gündən sonra, heç kimin Mixaillə görüşməsinə icazə verilməyəndə, bu gün xəstəxana rəhbərliyi Ukrayna konsuluna Mixail Saakaşviliyə baş çəkməyə icazə verdi və onun hazırkı vəziyyəti ilə bağlı məlumat aldıq. Ona heç bir kömək göstərilmir. Təəssüf ki, hazırda onun vəziyyəti çox ağırdır, zəifdir və bu, zarafat deyil", - Yasko bildirib.
Qeyd edək ki, Saakaşvili oktyabrın 1-də Gürcüstanda saxlanılıb. O, oktyabrın 2-də keçirilən yerli seçkilərə az qalmış vətənə qayıdıb.
