Putin Rusiya vətəndaşlığını almaq istəyən azərbaycanlıların işini asanlaşdırır - SƏBƏBLƏR

Rusiya prezidenti Vladimir Putin Dövlət Dumasına “Rusiya Federasiyasının vətəndaşlığı haqqında” qanun layihəsi təqdim edib.

Rusiya KİV-ləri xəbər verir ki, qanun layihəsinin mətni Dumanın elektron məlumat bazasında dərc olunub.

Qanun layihəsinə görə, Rusiya Federasiyasının vətəndaşı Rusiya Federasiyasından çıxarıla və ya xarici dövlətə ekstradisiya edilə bilməz.

Sənəddə göstərilir ki, Rusiya Federasiyasının vətəndaşlığı sahəsində qanunvericilik "fərdlərin sosial, irqi, milli, dil və ya dini mənsubiyyətinə görə hüquqlarını məhdudlaşdıran müddəaları ehtiva edə bilməz".

Qanun layihəsində bildirlir ki, Rusiya Federasiyası ölkədə yaşayan və vətəndaşlığı olmayan şəxslərin Rusiya Federasiyasının vətəndaşlığı almasını təşviq edi.

Vladimir Putinin parlamentə tədim etdiyi sənəd keçmiş SSRİ vətəndaşları və onların övladlarının Rusiya vətəndaşlığı ala bilməsini asanlaşdıracaq.  Bura azərbaycanlılar da daxildir.