Putinin əlində Zelenskiyə qarşı hansı "kompromat" var?

Ukraynanın keçmiş Baş prokuroru Yuriy Lutsenko “Ukrayna 24” telekanalının efirində prezident Vladimir Zelenskini Vladimir Putinlə danışıqlara buraxmaq çox təhlükəli olduğunu deyib.

Onun sözlərinə görə, Rusiya xüsusi xidmət orqanlarında və şəxsən Vladimir Putində Zelenskiyə qarşı “kompromat” var. Lutsenko hansı səbəbdən bu nəticəyə gəldiyinə aydınlıq gətirməyib.

Lutsenko belə hesab edir ki, belə bir səfər o deməkdir ki, Zelenski özünə qarşı olan “kompromat”ı bağlamaq istəyir. 

“Ukrayna prezidentini bu vəziyyətdə ora təkbətək göndərmək təhlükəlidir”, - deyə Lutsenko vurğulayıb. 

Qeyd edək ki, Rusiya prezidentinin mətbuat katibi Dmitri Peskovun sözlərinə görə, Moskva Vladimir Zelenski və Vladimir Putinin görüşü barədə Kiyevdən konkret təkliflər almayıb.